Затрыманую ў Стоўбцах здымачную групу адпусцілі (дапоўнена)

Каля 13.15 ахова завода затрымала журналістаў і стала патрабаваць выдаліць відэа, спасылаючыся на тое, што завод – гэта рэжымны аб’ект. Яны выканалі патрабаванне, але іх утрымлівалі ўсё роўна, пакуль тыя не напісалі тлумачэнні на імя начальніка завода. Прыкладна праз гадзіну журналістаў адпусцілі.

“У нас не было мэты здымаць менавіта гэты завод, проста патрэбныя былі перабіўкі з выявамі нейкага прадпрыемства, – распавяла прэс-службе ГА “БАЖ” Ганна Нежавец. – Ахоўнік жа сцвярджаў – у кадры ёсць дрот, і гэта, маўляў,  азначае, што мы хочам паказаць жыццё нашых людзей як у канцлагеры”.

Па словах журналісткі, ахоўнік патэлефанаваў у мясцовае аддзяленне КДБ. Аднак там, пачуўшы, што затрыманне адбылося нават не на тэрыторыі завода, сказалі, што нікуды не паедуць.

“Відаць, гэта нейкая асабістая ініцыятыва ахоўніка, які ў мінулым, па яго словах, працаваў у расійскіх спецслужбах”, – зазначыла Ганна.

Дзе можна паглядзець спіс установаў, здымаць якія журналістам без спецыяльнага дазволу забаронена?