Беларускія медыі паведамляюць пра збоі ў працы сайтаў і DDOS-атаку

У першыя дні лістапада са збоямі ў працы сайтаў сутыкнуліся незалежныя беларускія анлайн-выданні Reform.news і «Наша Ніва».

Ілюстрацыя створана БАЖ з выкарыстаннем Сhat­G­PT

Reform.news паведаміў пра праблемы з сайтам 3 лістапада, у 8:49 раніцы паводле беларускага часу.

«Сябры, на серверы Reform.news адбыўся збой. У выніку сайт не абнаўляўся некалькі гадзін. Мы высвятляем прычыны збою», — адзначаецца ў паведамленні.

У мінулую нядзелю ў 14:31 «Наша Ніва» заявіла пра DDOS-атаку на свой сайт.

«Пакуль мы паспяхова даём ёй рады, але майце на ўвазе: сайт можа быць часова недаступны або навіны і спасылкі адкрывацца з цяжкасцю», — папярэджвала рэдакцыя 1 лістапада.