TikTok «Новага Часу» заблакавалі праз фейкавыя скаргі

Рэдакцыя «Новага Часу» звязвае гэтую падзею з заявамі намесніка міністра ўнутраных спраў Казакевіча, які на пачатку сакавіка распавядаў на СТВ, што «наступная рэвалюцыя будзе рэвалюцыяй Tik­Tok. І яна зусім не такая бяскрыўдная».

Фота: БАЖ

«Шаноўныя чытачы! На жаль, мы страцілі доступ да старога Tik­Tok акаўнту, калі лічба падпісантаў у ім наблізілася да 10 тысяч. Два гады мы распавядалі вам важныя навіны і гісторыі беларусаў у фармаце хуткіх відэа. Прагляды некаторых з іх дасягалі сотняў тысяч. Рэжым прызнаў наш акаўнт «экстрэмісцкім»», — распавялі прадстаўнікі рэдакцыі.

«Новы час» працягвае сваю дзейнасць ў Tik­Tok: чытачоў запрашаюць у новы акаўнт.