Floodlight Gaming шукае расследаванні для гейміфікацыі (дэдлайн — 15 лютага)

Сузаснавальнік OCCRP і Flood­light Пол Раду запрашае журналістаў з усяго свету дасылаць свае расследаванні, каб разам з незалежнымі распрацоўшчыкамі ператварыць іх у інтэрактыўныя анлайн-гульні.

Ці ведалі вы, што гульні The New York Times генеруюць больш за 80% усяго іх трафіку?

Уявіце, што ваша расследаванне не проста чытаюць або глядзяць на YouTube, а паглыбляюцца ў яго з галавой — пражываюць гісторыю ў свеце, пабудаваным на сабраных вамі фактах, доказах і сведчаннях. Такую магчымасць адкрывае конкурс Flood­light Gam­ing Inves­tiga­tive Jour­nal­ism Game Jam.

Арганізатары хочуць дапамагчы рэдакцыям ператварыць журналісцкія расследаванні ў інтэрактыўныя гульні ў браўзеры, якія можна размясціць на сайце медыя. 

Найлепшыя працы перададуць распрацоўшчыкам гульняў для стварэння праектаў, якія будуць спаборнічаць на фінальным этапе адбору.

ПАДРАБЯЗНАСЦІ І РЭГІСТРАЦЫЯ

Дэдлайн заявак — 15 лютага 2026 года.

Калі ўзнікнуць пытанні, звяртайцеся да крэатыўнага дырэктара Flood­light Gam­ing: edin@floodlightproject.org