У «Прэсбола» з’явіўся новы галоўны рэдактар

BYsport стала вядома, што на пасаду галоўнага рэдактара спартыўнай газеты прызначаны Аляксандр Дабрыян. Раней ён працаваў у гэтым жа выданні, але на пасадзе намесніка.

Сённяшні нумар газеты выйшаў за подпісам спадара Дабрыяна.

Нагадаем, у выніку падзей 2020 года з выдання сышло шмат журналістаў. Гэта было зроблена на знак пратэста супраць дзеянняў заснавальнікаў медыя, якія вырашылі «нармалізаваць» кантэнт і прызначылі новага, лаяльнага да ўладаў, галоўнага рэдактара.

Аднак 16-га чэрвеня 2023 года Міністэрства інфармацыі Беларусі паведаміла пра абмежаванне доступа да сайта выдання  «Прэсбол». 11 жніўня нечакана памёр 54-гадовы галоўны рэдактар газеты «Прэсбол» Сяргей Лісічкін. 6 кастрычніка 2023 года  ў Доме футбола адбылося чарговае пасяджэнне выканаўчага камітэта Асацыяцыі «Беларуская федэрацыя футбола». Тады Выканаўчы камітэт вырашыў выкупіць у заснавальнікаў газеты «Прэсбол» іх долі. Да гэтага часу дзяржаўнай Асацыяцыі належала толькі палова акцый медыя, астатнія былі ў прыватных асоб: 30 адсоткаў у Юрыя Арлова і па 10 адсоткаў у Аляксандра Дабрыяна і Дзмітрыя Беленькага.

Як сцвярджае BYsport, Юрыя арлова на пасадзе дырэктара выдання замяніў былы журналіст газеты і дырэктар «Шахцера» Вадзім Філіповіч.

Між іншым, пасля пераходу «Прэсбола» у рукі АБФФ супрацоўнікі скардзіліся, што не атрымліваюць заробак.

Чытайце яшчэ:

Главный редактор Reform.by: Наш проект может закрыться

В Германии издали книгу с письмами политзаключенных белорусок — в ней есть истории журналисток

Уладзімір Лапцэвіч: З‑за мяжы таксама можна працаваць на аўдыторыю ў Беларусі