Набор на кінатрэнінг «Неігравое кіно па правах чалавека» (дэдлайн — 11 кастрычніка)
4 кастрычніка 2023
24-29 кастрычніка ў Вільнюсе некамерцыйная недзяржаўная праваабарончая арганізацыя «Прававая Ініцыятыва» правядзе кінатрэнінг, падчас якога можна будзе зняць дакументальны фільм пра правы чалавека.
Мэта трэнінгу — пазнаёміць удзельнікаў і ўдзельніц з відамі неігравога (дакументальнага) кіно і навучыць неабходным інструментам для стварэння неігравога кіно. Удзельнікі і ўдзельніцы ў камандах па 2–3 чалавекі самастойна створаць невялікі неігравы фільм аб правах чалавека.
Трэнінг падыходзіць усім, хто хоча здымаць фільмы, цікавіцца правамі чалавека ці шукае новыя фарматы для папулярызацыі важных тэм.
На трэнінгу абяцаюць:
• Пагрузіць у тэму правоў чалавека
• Пазнаёміць з відамі негульнявога кіно
• Распавесці пра набор прылад дакументаліста
• Навучыць здымаць і змантаваць уласны фільм
Апроч гэтага будуць праведзены майстар-класы па:
• Асновам аператарскага майстэрства
• Працы з гукам
• Асвятленню
• Мантажу і стварэнню тытраў
Усе выніковыя фільмы будуць размешчаны на канале «Прававой Ініцыятывы».
Такім чынам удзельнікам прапануюць не толькі атрымаць па заканчэнні трэнінгу гатовы прадукт, але і займець штуршок у яго прасоўванні.
Фармат: афлайн. Усім удзельнікам будзе забяспечана пражыванне і харчаванне.
Дзе: Вільнюс. Аднак арганізатары не могуць зрабіць візавую падтрымку і аплаціць праезд.
РЭГІСТРАЦЫЯ да 23:59 11 кастрычніка 2023.
@bajmedia
Пабачыў свет вялікі міждысцыплінарны даведнік пра сучасную Беларусь на англійскай мове
20.09.2026
Як праз тэатр зразумець, што адбываецца ў грамадстве? Адказ шукалі на фестывалі Druga próba
26.09.2026
У «экстрэмісцкі» спіс Мінінфарма ўключылі Threads-акаўнты Паўла Свярдлова і Дзмітрыя Семчанкі
30.09.2026
Алесь Міхалевіч: Для беларускіх незалежных журналістаў, палітыкаў і актывістаў Узбекістан не з’яўляецца бяспечнай краінай
06.10.2026
