Стратэгічныя сесіі для СМІ з Беларусі ў выгнанні (дэдлайн — 4 чэрвеня)

Фонд JX запрашае незалежныя СМІ ў выгнанні з Беларусі і Расіі падаць заяўку на прафесійнае навучанне па распрацоўцы стратэгій, якія зробяць вашыя СМІ больш устойлівымі.

Фота: pexels.com

Прыклады магчымых фокусаў: стратэгія аўдыторыі, фінансавая ўстойлівасць, пабудова каманды.

Што трэба ведаць пра праект:

У перыяд з ліпеня па кастрычнік 2024 вашу каманду будзе суправаджаць прафесійны трэнер.

Праект складаецца з трох этапаў:

• анлайн-знаёмства і ацэнка патрэбаў;
• майстар-клас у Нямеччыне па абранай тэме з камандай да шасці чалавек;
• да чатырох наступных анлайн-сесій.

Апошні тэрмін падачы заявак – 4 чэрвеня 2024 г., 23:59 (CET).

Вы можаце падаць заяўку праз гэтую анлайн-форму заяўкі.

Увага!

Да ўдзелу запрашаюцца толькі тыя СМІ, якія працуюць не менш за шэсць месяцаў і рэгулярна выпускаюць кантэнт, арыентаваны на аўдыторыю ў родных краінах. Добра прадуманыя адказы на пытанні ў анлайн-форме не толькі прынясуць карысць вашай заяўцы, але і дапамогуць нам арганізаваць найлепшае навучанне вашай каманды.

Падтрымка па візавых пытаннях не можа быць аказана. Альтэрнатыўнае размяшчэнне майстэрні магчыма толькі ў выключных выпадках. Гэты праект падтрымліваецца сродкамі Федэральнага ўрадавага камісара па культуры і сродках масавай інфармацыі (BKM).

Фонд JX падтрымлівае сродкі масавай інфармацыі і журналістаў, якія ўцяклі з рэгіёнаў вайны і крызісу, даючы ім магчымасць хутка і гнутка працягнуць сваю працу ў выгнанні. Ён дзейнічае як міжнародны каардынацыйны цэнтр, вызначаючы, якія рэсурсы неабходныя ў той ці іншы момант, супастаўляючы прапановы аб дапамозе і размяркоўваючы іх там, дзе яны неабходныя больш за ўсё.