Летняя школа па міжнародным гуманітарным праве (дэдлайн — 10 чэрвеня)

«Прававая ініцыятыва» запрашае беларускіх студэнтаў, актывістаў, праваабаронцаў, журналістаў і ўсіх зацікаўленых на інтэнсіўную 5‑дзённую школу, прысвечаную ключавым пытанням міжнароднага гуманітарнага права — ад базавых прынцыпаў да практык дакументавання парушэнняў.

Што чакае ўдзельнікаў?

• Увядзенне ў міжнароднае гуманітарнае права: крыніцы, базавыя прынцыпы і класіфікацыя канфліктаў.
• Абарона параненых, ваеннапалонных, грамадзянскіх асоб і ўразлівых груп ва ўмовах узброеных канфліктаў.
• Вядзенне ўзброенай барацьбы: прававыя абмежаванні.
• Механізмы захавання і рэалізацыі нормаў міжнароднага гуманітарнага права. Роля міжнародных арганізацый і крымінальнае правасуддзе.
• Дакументаванне парушэнняў міжнароднага гуманітарнага права.

Калі? 18–22 чэрвеня (серада-нядзеля)

Дзе? Вільня (дакладнае месца паведамім адабраным удзельнікам)

У школе выступяць эксперткі і эксперты з досведам працы ў міжнародным праве і абароне правоў чалавека.

Дэдлайн падачы заявак: 10 чэрвеня, 23:59 (па мінскім часе). Вынікі адбору будуць паведамляцца па меры паступлення заявак, але не пазней за 11 чэрвеня.

РЭГІСТРАЦЫЯ

Па ўсіх пытаннях звяртайцеся на электронную пошту education.legin@gmail.com ці ў Telegram: @pravovaya_initsiativa