Гранты Transition Accelerator для еўрапейскіх медыя (дэдлайн — 9 верасня)

Міжнародны інстытут прэсы (Inter­na­tion­al Press Insti­tute, IPI) абвясціў прыём заявак на ўдзел у праграме Tran­si­tion Accel­er­a­tor 2026, якая падтрымлівае незалежныя еўрапейскія медыя ў працэсе лічбавай трансфармацыі і развіцця аўдыторыі.

Праграма прызначана для еўрапейскіх медыяарганізацый, якія працуюць не менш за пяць гадоў, праходзяць праз лічбавую трансфармацыю і шукаюць новыя спосабы прыцягнення і ўтрымання аўдыторыі. IPI дапаможа медыяарганізацыям распрацаваць прадукт ці распачаць праект, які ўдасканаліць мадэль атрымання даходаў, працоўныя працэсы або стратэгіі кіравання. 

Абраныя ўдзельнікі атрымаюць:

• грант да 25 000 еўра на рэалізацыю свайго праекта;
• арганізацыйны аўдыт;
• васьмімесячную праграму навучання, воркшопаў і індывідуальнага ментарства;
• экспертную падтрымку;
• доступ да прафесійнай сеткі IPI і новых магчымасцяў для супрацоўніцтва.

Падаць заяўку неабходна да 9 верасня 2026 года. Заяўкі прымаюцца праз анлайн-форму на старонцы праграмы.

ПАДРАБЯЗНАСЦІ І РЭГІСТРАЦЫЯ