Адукацыйны курс «Сацсеткі: лайкі, шэры і падабайкі 2.0» (дэдлайн — 27 сакавіка)

Міжнародны фонд развіцця адукацыі дарослых IFAE запрашае на курс «Сацсеткі: лайкі, шэры і падабайкі 2.0». Гэта праграма для медыйшчыкаў і камунікатараў, якія жадаюць карыстацца сацсеткамі эфектыўна. Удзельнікі навучацца граматна ставіць мэты сваёй працы ў сацыяльных сетках, абіраць аўдыторыю, ствараць кантэнт-планы і кантэнт, які «зачэпіць» людзей.

Працягласць курса: 5 анлайн заняткаў па 1,5–2 гадзіны, а таксама выкананне заданняў.

Калі: з 2 па 30 красавіка ў 19.00 па Мінску

Дзе: анлайн на дыстанцыйнай навучальнай платформе.

Заняткі вядзе Дзяніс Васількоў — журналіст і медыйшчык, які працаваў у вядомых беларускіх выданнях, займаўся распрацоўкай стратэгій ды менеджментам сацсетак.

Запісацца на ўдзел у курсе можна да 27 сакавіка 2024 года.

РЭГІСТРАЦЫЯ

Перавагай пры адборы будуць карыстацца асобы, якія ўздымаюць у сваіх акаўнтах грамадска-значныя пытанні і стымулююць дыскусію па гэтым пытанням.

Пасля сканчэння курса вы будзеце ведаць:

• як абіраць сацсеткі ды кантэнт пад свае мэты;
• як ставіць мэты, якімі інструментамі карыстацца для дасягнення мэтаў;
• як планаваць прадакшн ды публікацыю ўласнага кантэнту;
• як запускаць сваю рэкламу, расходаваць бюджэт і атрымаць вынік;
• на якія лічбы глядзець і як планаваць і паляпшаць прадукт.

Пасля сканчэння курса вы будзеце ўмець:

• рабіць кантэнт-план;
• ствараць цікавы кантэнт;
• планаваць прадакшн;
• разлічваць выдаткі на прасоўванне свайго кантэнта.