Здымак сапраўднага фатографа перамог у спаборніцтве са штучным інтэлектам

Фатограф Miles Astray прадставіў сваю ўласную выяву Flamin­gone у катэгорыі «штучны інтэлект» на прэстыжным конкурсе Human pho­tog­ra­phy awards. Журы прысудзіла яму трэцяе месца ў катэгорыі «штучны інтэлект, створаны ў 1839 годзе».

Фота: Miles Astray

«Вядома, я наўмысна абраў карцінку, якая настолькі сюррэалістычная, на мяжы неверагоднасці, што яе лёгка можна было б спісаць на працу штучнага інтэлекту».

Калі стала ясна, што пры стварэнні выявы не быў задзейнічаны ШІ, фатографа дыскваліфікавалі, таму што нягледзячы на «магутны пасыл», «яго праца не адпавядала патрабаванням, што прадʼяўляюцца да катэгорыі малюнкаў, створаных з дапамогай штучнага інтэлекту».

Сам жа фатограф заявіў:

«Я не змог бы жыць тым жыццём, якім жыву цяпер, без тэхналогіяў, таму я не дэманізую іх, але я думаю, што гэта часта палка з двума канцамі, якая можа прынесці як карысць, так і шкоду».