Прэзідэнт Чэхіі наведаў гонкі «Формулы‑1» як фатограф

Чэшскі прэзідэнт ужо не ўпершыню фатаграфаваў спаборніцтвы па аўтаспорце. У чэрвені гэтага года ён працаваў на гонках «24 гадзіны Ле-Мана» ў Францыі.

У Чэхіі Павел здымаў мотагонкі «MotoGP» і «World Super­bike». Акрамя гэтага, ён фатаграфаваў гонкі «NASCAR» у ЗША і ралі «Дакар» у Саудаўскай Аравіі.

У 2025 годзе некаторыя здымкі, якія Петр Павел зрабіў падчас ралі «Дакар», выставілі ў Нацыянальным тэхнічным музеі ў Празе.

Летась прэзідэнт Чэхіі сабраў амаль 30 тысяч еўра для арганізацыі, якая дапамагае дзецям, адзінокім бацькам і людзям сталага ўзросту, прадаўшы на аўкцыёне свой фотаальбом.

Нагадаем, на 96‑й Генеральнай асамблеі Еўрапейскага вяшчальнага саюза ў Празе Петр Павел заявіў, што моцныя грамадскія медыя з’яўляюцца адным са слупоў дэмакратычнай бяспекі, і цяпер Еўропа мае патрэбу ў іх нават больш, чым у папярэднія дзесяцігоддзі.