Акцэнты

Войны цяпер вядуцца ў прамым эфіры: спутнікі фіксуюць перамяшчэнні войскаў, камеры дронаў бачаць ворага, радары папярэджваюць аб чарговым узлёце бамбардзіроўшчыка. Але ж галоўны нерв, жах, а часам і радасць па-ранейшаму дакументуюць журналісты. Фотаздымкі з Бучы, Херсона, Дняпра часта кажуць больш, чым шматтысячныя тэксты. У Вільні ў гадавіну пачатку поўнамаштабнай агрэсіі супраць Украіны адкрылася фотавыстава, арганізаваная БАЖ і Саюзам журналістаў Літвы.

Аляксандр Баразенка — журналіст і відэааператар, які нарадзіўся і вырас у Пінску. Ужо тры гады, як па-за радзімай. Ён адзін з нямногіх беларускіх журналістаў, які з пачатку поўнамаштабнага ўварвання Расіі ва Украіну трапіў у самае пекла вайны, стаў сведкам таго, як мужна змагаліся салдаты, як гінулі мірныя людзі, як пусцелі зруйнаваныя гарады і вёскі... На жахі вайны ён глядзеў праз аб’ектыў, каб занатаваць, передаць жудасныя кадры іншым, захаваць для гісторыі. Пра тое, чаму не стаў дыпламатам і прыйшоў у журналістыку, з чаго для яго пачыналася Украіна і ці патрэбна уключаць страх на вайне, які першы сюжэт здыме па вяртанні дадому, Аляксандр Баразенка распавёў Media-Polesye.by.

Ужо чацвёрты год Лукашэнка і Пуцін пагражаюць аб’яднаць свае прапагандысцкія махіны і стварыць мэдыяхолдынг так званай «саюзнай дзяржавы». А што на практыцы? У відэапраекце «Тлумачым з Гурневічам» расказвае «Радыё Свабода».

Сітуацыя з асвятленнем культуры ніколі не была моцным бокам беларускіх СМІ. Хутчэй, яе асвятленне хранічна кульгала то на адну, то нават на дзве нагі. Але цяпер сітуацыя становіцца ледзь не катастрафічнай. Калумніст БАЖ Мікалай Катовіч — пра тое, чаму так атрымалася.

Спадзяемся, вы з тых, хто даўно ўсталявалі беларускую мову інтэрфэйсу на ўсіх сваіх гаджэтах, падпісаліся на Лізу Ветраву, а перад сном замест скандынаўскага дэтэктыва чытаеце тлумачальны слоўнік ці «Новую зямлю» (ёсць шыкоўнае новае выданне). Калі вы гатовыя да наступнага кроку, Sojka прапануе некалькі рознабаковых магчымасцяў, якія дазволяць дадаць дробачку беларускай мовы ў вашу штодзённасць.

Чаканне вясны, асабліва пакуль за акном яшчэ шэра і мокра, можна палепшыць, уключыўшы ў слухаўках добры падкаст. І лужыны стануць не так прыкметныя, і з зімовай руцінай будзе прасцей спраўляцца. Сабралі для вас падборку беларускіх падкастаў, якія працягваюць абнаўляцца і не прымусяць чакаць новы эпізод. Ёсць пра жыццё, людзей і ўсё вакол.

Роўна год няма сувязі з журналістам «Радыё Свабода» Ігарам Лосікам, асуджаным на 15 гадоў паводле палітычных абвінавачванняў. 20 лютага 2023 года бацькі Ігара атрымалі апошні ліст ад сына. Ён адбывае пакаранне ў памяшканні камернага тыпу (ПКТ) Наваполацкай калоніі ўзмоцненага рэжыму № 1. Ліставанне, перадачы, спатканні з ім забароненыя. «Радыё Свабода» расказвае пра калонію, якую называюць самай бруднай з экалягічнага пункту гледжання і самай жорсткай што да рэжыму. Цяпер там таксама трымаюць Андрэя Кузнечыка, Андрэя Аляксандрава, Анджэя Пачобута і яшчэ прынамсі 150 палітвязняў.