Акцэнты

24 лютага будзе роўна два гады, як ідзе поўнамаштабная вайна ва Украіне — найбольш асвятляемы ў СМІ канфлікт сучаснасці. Многія замежныя рэпарцёры адмыслова прыязджаюць ва Украіну, каб паказваць свету ваенныя дзеянні. У той жа час сотні ўкраінскіх журналістаў міжволі апынуліся ў самым цэнтры крывавых падзей і, нягледзячы ні на што, працягнулі выконваць сваю місію. БАЖ паказвае нязломнасць і гераізм украінскіх медыйшчыкаў на двух канкрэтных прыкладах. 

Сітуацыя з асвятленнем культуры ніколі не была моцным бокам беларускіх СМІ. Хутчэй, яе асвятленне хранічна кульгала то на адну, то нават на дзве нагі. Але цяпер сітуацыя становіцца ледзь не катастрафічнай. Калумніст БАЖ Мікалай Катовіч — пра тое, чаму так атрымалася.

Вы ведалі, што звычайны пераход па спасылцы або прагляд чужога профілю могуць вас выдаць? А што ўсім па змоўчанні бачныя вашы падпіскі ды лайкі? «Наша Ніва» распавядае, як зрабіць максімальныя налады прыватнасці ў тыктоку і пастарацца захаваць ананімнасць.

Спадзяемся, вы з тых, хто даўно ўсталявалі беларускую мову інтэрфэйсу на ўсіх сваіх гаджэтах, падпісаліся на Лізу Ветраву, а перад сном замест скандынаўскага дэтэктыва чытаеце тлумачальны слоўнік ці «Новую зямлю» (ёсць шыкоўнае новае выданне). Калі вы гатовыя да наступнага кроку, Sojka прапануе некалькі рознабаковых магчымасцяў, якія дазволяць дадаць дробачку беларускай мовы ў вашу штодзённасць.

Чаканне вясны, асабліва пакуль за акном яшчэ шэра і мокра, можна палепшыць, уключыўшы ў слухаўках добры падкаст. І лужыны стануць не так прыкметныя, і з зімовай руцінай будзе прасцей спраўляцца. Сабралі для вас падборку беларускіх падкастаў, якія працягваюць абнаўляцца і не прымусяць чакаць новы эпізод. Ёсць пра жыццё, людзей і ўсё вакол.

Роўна год няма сувязі з журналістам «Радыё Свабода» Ігарам Лосікам, асуджаным на 15 гадоў паводле палітычных абвінавачванняў. 20 лютага 2023 года бацькі Ігара атрымалі апошні ліст ад сына. Ён адбывае пакаранне ў памяшканні камернага тыпу (ПКТ) Наваполацкай калоніі ўзмоцненага рэжыму № 1. Ліставанне, перадачы, спатканні з ім забароненыя. «Радыё Свабода» расказвае пра калонію, якую называюць самай бруднай з экалягічнага пункту гледжання і самай жорсткай што да рэжыму. Цяпер там таксама трымаюць Андрэя Кузнечыка, Андрэя Аляксандрава, Анджэя Пачобута і яшчэ прынамсі 150 палітвязняў.