Акцэнты

Навінавы партал у верасні атрымаў рэгістрацыю СМІ ад Мінінфарма. За апошнія два гады гэта першы такі выпадак. «Наша Ніва» паглядзела, за якія тэмы бяруцца рэпарцёры і як медыя падае навіны.

У лукашэнкаўскіх СМІ рэдка, але з'яўляюцца новыя асобы. Хтосьці ідзе туды адпрацоўваць размеркаванне пасля ўніверсітэта, іншым падабаецца жыццё ў лукашэнкаўскім асяроддзі. Тэлевядучы АНТ Мікіта Палякевіч якраз з апошніх.

У беларускім медыяполі за апошнія паўтары гады з’явілася шмат новых імёнаў. Так шмат грамадска-палітычных медыйных праектаў не запускалі, здаецца, ніколі. Хто робіць гэтыя медыя, пра што і для каго яны пішуць, якіх вынікаў ужо дасягнулі — паспрабуем адказаць на гэтыя пытанні ў гэтым аглядзе. А таксама пагаворым пра выклік і небяспеку, які стварае “пераразмеркаванне” ўвагі чытачоў ад заблакаваных незалежных медыяў. 

Творчая асоба нават у складанай жыццёвай сітуацыі знойдзе выйсце свайму дараванню, сваёй мастацкай ці нейкай іншай інтэлектуальнай дзейнасці. Калі пасля прэзідэнцкіх выбараў 2020 года і масавых пратэстаў супраць фальсіфікацыі іх вынікаў беларускія ўлады распачалі маштабныя рэпрэсіі супраць незалежных СМІ і журналістаў, многія супрацоўнікі медыяў патрапілі за краты, іншыя эмігравалі. Нямала і тых, хто застаўся без працы, інакш кажучы, без сродкаў існавання. Паўсталі пытанні: як жыць, што рабіць далей? У ліку апошніх апынулася і журналістка з Гомеля Ларыса Шчыракова. Знайшла яна сябе ў новай іпастасі – этнафатографа.