Акцэнты

Вольга Чайчыц з мужам Андрэем Козелам і дзецьмі больш за тры гады жывуць у ЗША. Былая журналістка «Белсату» распавядае, што яны вымушаныя былі з’ехаць з Беларусі, але падчас пратэстаў у 2020 годзе вельмі хацелася ўсё кінуць і вярнуцца дадому. Цяпер жа беларусы ў Амерыцы працягваюць адаптавацца да новага жыцця і распавялі «Белсату» пра сябе і свае планы.

Роўна год таму — 4 сакавіка 2022-га — пайшоў з жыцця сябра Беларускай асацыяцыі журналістаў і Беларускага саюза пісьменнікаў Аляксандр Тамковіч. Сваякі, паплечнікі, землякі сабраліся на ягонай радзіме ў Ашмянах — пабылі на памінальнай службе ў касцёле і наведалі месца пахавання на гарадскіх могілках.   

Радыё Ўнэт: "Яна да дробязей прадумала сваё вяртанне дадому. Ёсць нават план на выпадак, калі муж раптам будзе заняты: тады Марыя Грыц сядзе з дзіцёнкам на ровар і ўсё роўна паедзе ў Беларусь, дзе спачатку абдыме ўсіх родных і суседзей, а потым вернецца ў бацькоўскую хату, насадзіць бульбы і будзе жыць сваё нармальнае жыццё. Яно для Марыі перарвалася падвойнай эміграцыяй: спачатку з маленькай дачушкай яна ўцякала з Беларусі, а пасля − ужо ўсёй сям’ёй, разам з мужам − яны беглі з Украіны. Новым домам для журналісткі, актывісткі і вядучай праграмы «Трэба пагаварыць» стаў Беласток".